Affiliate Marketing Kya Hai aur Isse Paise Kaise Kamaye

Affiliate Marketing kya hai, ye kaise kare, isse paise kaise kamate hain. aur kya affliate ads ko adsense ke sath use kar sakte hain?, apke sabhi sawalon ke jawab is aik post me.

Agar ap bhi online paise kamane ke bare me soch rahe hain. to affiliate marketing aik bohut hi acha zariya ban sakta hai apke liye. magar kaise?, to chaliye shuru karte hain.

Table of Contents

Affiliate Marketing kya hai in hindi

Affiliate Marketing bhi Digital Marketing ka hi aik chota sa hissa hai. jisse ke ham ghar baithe online paise kama sakte hain without any investment, wo bhi lakhon me.

aj ke waqt me sab kuch online hota ja raha hai, aur bohut sari companies online apne products ko sell kar rahi hain. inme se zeyada tar companies logon ki madad lete hain apne products ko bechne me.

isme apko bas itna karna hota hai, ke un companies ke products ko sell karwana hota hai. unko sell karwane ke liye ap un ki websites par ja kar un ke affiliate program ko join karte hain.

aur wo apko jo apne product ke banners, ads wagera dete hain. apko un ads ko apni website par, aur social media accounts par lagana hota hai aur unko promote karna hota hai.

phir jaise hi koi us link par ya ad par click kar ke ja kar us product ko kharidta hai, to us product ko sell karwane ke liye apko kuch commision diya jata hai. jo ke har product ke liye different hota hai.

Product ki price jitni zeyada high hogi, apka commision bhi utna hi zeyada hoga. ab aap jan chuke hain ke affiliate marketing kya hai, to chaliye jante hain ke ye kaise karte hain aur isse paise kaise kamaye jate hain.

Affiliate Marketing Kaise Kare

Bhaiyo affiliate marketing karne ke liye apko sab se pehle, aik acha sa affiliate program join kar lena hai. aur kisi trusted company ko join kare, jaise amazon ya alibaba wagera.

Uske baad keyword research kar ke apne aik acha sa product select kar lena hai apne hisaab se, jiski price high aur competition low ho. Ab apne aik blog banana hai, apne product se related. aur blog ka name bhi product ke name jaisa rakhein.

uske baad apne blog par us product ki posts daale, uska review wagera kare. aur sath hi buy now ka button bhi laga dein, plus us product ke ads bhi laga dein.

Ab jaise hi koi apke us blog par ayega, aur us button par ya ads par click kar ke product kharidega to apko earning hogi. aik aur baat in ads ko dekhne ke apko paise nhi milenge.

jab koi un par click kar ke buy karega tabhi apko paise milenge. aur yaad rakhe apne affiliate marketing karne ke liye foreign countrys ko hi target karna hai.

Agar apne galti se bhi pakistan, india jaisi countrys target ki. to ap kamyab nhi ho payenge. iski wajah ye hai, ke hamare yahan ke zeyada tar log online kharidari nhi karte.

Aur agar kehin karni bhi ho to, to verify kar ke dhoond ke aik aadhi online kharidari bari mushkil se karte hain. lekin wahin agar foreign countrys, jaise usa, uk wagera ki audience ko target kare.

jo ke online hi kharidari karte hain, to apke products bohut zeyada aur asani se sell ho jayenge. to apne hamesha bahar ke countrys ko select karna hai.

Kaise pata kare konsi Company Affiliate Program Provide karti ?

Internet par bohut sari companies hain, jo ke affiliate program provide karti hain, aur bohut sari nahi bhi karti. to pata kaise kare ke konsi affiliate program de rahi hain.

iske liye apne google.com par jana hai, aur phir company ka naam likh kar uske baad affiliate likh kar search kar dena hai. jaisa ke (amazon affiliate).

Agar wo company affiliate program provide karti huwi, to uski website ka url aur title apke samne aa jayega, jisme affiliate program ka word bhi use kiya gya hoga.

Kya Company Affiliate Program join karne ka charge lati hai ?

G nahi dosto, koi bhi company affiliate program ko join karne ke liye charge nahi karti. aur agar koi aisi company ho jo apse join karne ke paise le, to wo fraud hai. isi liye aisi companies ko join mat karein.

Affiliate Marketing Companies Payment kaise deti hain ?

Sabhi Companies ka payment method different hota hai, lekin zeyada tar companies paypal, aur bank transfer ko support karti hain. jinka use kar ke ap asani se payment hasil kar sakte hain.

Kya Affiliate Marketing karne ke liye Blog ya Website Lazmi hai ?

Nahi dosto, affiliate marketing karne ke liye blog ya website ka hona bilkul bhi lazmi nhi hai. ap apne social media accounts par bhi product ko promote karwa ke sell karwa sakte hain.

Aur affiliate marketing se paise bana sakte hain. iske liye apko apne product ke related kuch groups ko join karna hai aur facebook page wagera banana hai.

phir apne product ko un groups aur pages me promote karein. ap pinterest ka bhi use kar sakte hain, affiliate marketing karne ke liye. kyu ke pinterest par zeyada users foreign countrys se hi hain.

Kya Affiliate Marketing ke sath Adsense ko use kar sakte hain ?

Han dosto, ap bilkul use kar sakte hain. lekin bohut sare log darte hain, aur adsense ke sath affiliate ads nhi lagate. wo ye samajhte hain ke shayad unka adsense account disable ho jayega.

Main unko ye clear kar dena chahta hun, ke adsense allow karta hai affiliate marketing ke ads ko. isse apke adsense account me koi problem nhi ayegi.

Han adsense, other alternative media ke ads ko allow nhi karta, agar apne wo lagaye to apke account me problem ho jayegi.

Youtube par Affiliate Marketing se paise kaise kamaye

youtube par bhi ap affiliate marketing ke products ko promote kar ke sell karwa sakte hain. uske liye apko sab se pehle apna aik youtube ka channel bana lena hai.

phir apne top products ke bare me videos banani hain, jaise ke top 7 laptops for gaming etc. aur un videos me apne products ko promote karein, aur unka affiliate link niche description mein add kar dein.

jaise hi kisi viewer ko apka koi product pasand ayega, to wo description mein diye gye link se jaa kar us product ko buy karenge. to apko usse earning shuru ho jayegi.

Conclusion

Dosto mujhe umeed hai ke ap sab jaan gye honge, ke affiliate marketing kya hai, kaise kare aur isse paise kaise kamaye. agar apka abhi bhi koi sawal reh gya ho to ap comments ke zariye se mujh se puch sakte hain.